काठमाडौं । सर्वोच्च अदालतमा रिक्त न्यायाधीश पदपूर्ति गर्न सिफारिसलगायतका विषयमा छलफल गर्न न्याय परिषद्को बैठक बस्ने भएको छ।

स्रोतका अनुसार बैठकमा सर्वोच्च अदालतमा रिक्त रहेका चार न्यायाधीश पदमा नियुक्तिका लागि सिफारिस गर्ने विषयमा छलफल हुनेछ।

प्रधानन्यायाधीश मनोजकुमार शर्मा अध्यक्ष रहेको न्याय परिषद्मा कानुनमन्त्री सोविता गौतम, सर्वोच्च अदालतका वरिष्ठतम न्यायाधीश सपना प्रधान मल्ल, महेशकुमार नेपाल र दामोदर खड्का सदस्य छन्।