काठमाडौँ / नेकपा माओवादी केन्द्रका सांसद माधव सापकोटाले सदनमा उठेका प्रश्नको मन्त्रीहरुले जवाफ दिनुपर्ने बताउनुभएको छ ।

मंगलबार संसद भवन नयाँ बानेश्वरमा सञ्चारकर्मीसंग कुरा गर्दै सापकोटाले सदनमा उठेका कुराहरुलाई सम्बन्धीत मन्त्रीहरुले जवाफ दिने वातावरण बनाउनुपर्ने उल्लेख गर्नुभएको हो ।

सापकोटाले राज्यका निकायहरुले सुन प्रकरणमा छानविन गरिरहेको अवस्थामा ती निकायहरुलाई विश्वास नगरि अर्को छानविन समिति गठन गर्न नहुने बताउनुभयो ।

उहाँले उच्चस्तरीय छानविन समितिको नाम गरेर अहिलेको अनुसन्धानलाई फितलो बनाउन खोज्ने आशंका बढ्दै गएको उल्लेख गर्नुभयो ।