काठमाडौं / राष्ट्रिय जनमोर्चाका सांसद चित्रबहादुर केसीले संसदमा बजेटमाथिको छलफलको औचित्यमाथि प्रश्न उठाएका छन् ।

सोमबार प्रतिनिधिसभा बैठकमा बजेटमाथिको छलफलका क्रममा केसीले संसदमा जति बहस र छलफल गरेपनि बजेटमा कुनै परिवर्तन नहुने भएकाले बजेटमाथिको छलफलको औचित्य आफुले नदेखेको बताएका हुन् । बजेटको छलफल उत्साहजनक नरहेकाले आफु बैठकमा निदाएको उनले बताए ।

उनले नेपालको संविधानमा व्यवस्था गरेबमोजिम समाजवाद उन्मुख कार्यक्रमलाई प्राथमिकता दिन नसकेको धारणा राखे । सरकारको नीति तथा कार्यक्रम भन्दा फरक रुपमा बजेट आएको उनको भनाइ छ । उनले बजेटले दलाल पुँजीको आगमन वृद्धिका लागि विभिन्न बाटो खुलेको तर्क गरे ।