जडिबुटीमा एकाबिहानै स्कुटर दुर्घटना हुँदा २ जनाको मृत्यु
Nepal One HD १३ भदौ २०८२ ८:३२
काठमाडौं । काठमाडौंको जडिबुटीमा रोकिराखेको बसमा स्कुटर ठोक्किँदा २ युवकको मृत्यु भएको छ । आज बिहान २ बजेर ५० मिनेटमा जडिबुटी पुलमा रोकिराखेको बा प्र ०१-००६ ख ४२४३ नम्वरको अरनिको यातायातको बसमा स्कुटर ठोक्किएकाे थियाे ।
कोटेश्वरबाट जडिबुटी तर्फ जाँदै गरेको लु ४३ प ४९३८ नम्बरको स्कुटर बसको पछाडीको भागमा ठक्कर ठोक्किएको जिल्ला प्रहरी परिसर काठमाडाैंका एसपी अपिलराज बोहराले बताए ।
दुर्घटनामा स्कुटर चालक पश्चिम नवलपरासीको सुनवल नगरपालिका १ घर भई हाल भक्तपुरको लोकन्थली बस्ने २२ वर्षीय शिरिस पौडेल र काभ्रेको पाचँखाल–२ होक्से घर भएका २३ वर्षका नितेश नेपालको मृत्यु भएको हो ।
उनीहरूको उपचारको क्रममा राष्ट्रिय ट्रमा सेन्टर काठमाडौंमा मृत्यु भएको प्रहरीले जनाएको छ ।
घटनामा संग्लन दुवै सवारी साधन कोटेश्वर ट्राफिकको नियन्त्रणमा रहेको छ भने बस चालक जिल्ला दोलखा भि न पा ०७ स्थायी घर भई हाल काडाँघारी बस्ने वर्ष २५ को सुभाष तामाङ प्रहरी वृत बानेश्वरको नियन्त्रणमा रहेको उनले बताए ।
