काठमाडौं । प्रहरीले चलाएको गोली लागेर नयाँ बानेश्वरस्थित हिमालयन जाभाका सञ्चालक शान्तकुमार मेहेता घाइते भएका छ्न् । मेहेतालाई सिसाबाट छिरेको गोली लागेको प्रतिक्षदर्शी रमिला नेपालले जानकारी दिइन् । आफूसहित १५-२० जना अहिले जाभाभित्रै रहेको उनले जानकारी दिएकी छन् ।

जेनजीको आन्दोलन भड्किएसँगै बानेश्वर क्षेत्रमा कर्फ्यू लगाइएको छ । अहिले यहाँ सेना परिचालित छ । काठमाडौँमा भएको जेनजीको प्रदर्शनमा प्रहरीको गोली लागेर मृत्यु हुनेको संख्या अहिलेसम्म आठ पुगेको छ । घाइते भएपछि उपचारका लागि सिभिल अस्पतालमा पुर्‍याइएकामध्ये २ प्रदर्शनकारीको केहीबेरअघि मृत्यु भएको अस्पताल प्रशासनले जानकारी दिएको छ । त्यस्तै ट्रमा सेन्टरमा ५ जना, काठमाडौँ मेडिकल कजेलमा एक जना गरी आठ जनाको मृत्यु भएको हो ।