काठमाडौं । निषेधाज्ञाकै बीच काठमाडौं उपत्यकाका बैंकहरू खाेल्न थालिएको छ । गएको सोमबार जेनजी आन्दोलले उग्र रुप लिएपछि बन्द भएका बैंकहरू बिहीबारदेखि पुनः सञ्चालनमा आएका हुन् ।

आन्दोलका क्रममा विभिन्न स्थानका बैंकहरूमा आगजनी तथा लुटपाट भएको थियो । नगन्य क्षतिकैबीच बैंकका सीईओहरूको संगठन बैंकर्स संघले बिहीबार चार घण्टाका लागि बैंकहरू खुलाउने निणर्य गरेको हो । बिहीबार बिहान १० बजेदेखि सञ्चलनमा आएका बैंक दिउँसो २ बजेसम्म खुला रहने जनाइएको छ । संघले अधिकतम तीन वटा शाखासम्म खोल्न भनेको छ ।

संघको निर्णय पालाना गर्दै अहिले काठमाडौँका बाणिज्य बैंकहरूले आफ्ना शाखा कार्यालयहरूबाट सेवा दिइरहेका छन् भने विकास बैंकहरूले पनि फाट्टफुट्ट रुपमा सेवा दिन थालेका छन् । योसँगै अन्य वित्तीय सेवा प्रदायक संस्थाहरूले पनि आजबाट आंशिक रूपमा सेवा चालु गरेका छन् ।