`

कांग्रेसको विशेष महाधिवेशन पक्षधर नेताहरुको प्रधानमन्त्रीसँग दुई घण्टा छलफल

Nepal One HD २ मंसिर २०८२ १३:४३
नेपाली कांग्रेस

काठमाडौं । नेपाली कांग्रेसका नेताहरूले प्रधानमन्त्री सुशीला कार्कीसँग भेटवार्ता गरेका छन् । कांग्रेसमा विशेष महाधिवेशनको माग गर्दै आएका नेताहरूले आज (मंगलबार) बालुवाटार पुगेर प्रधानमन्त्री कार्कीसँग भेटवार्ता गरेका हुन् । प्रधानमन्त्रीसँगको भेटमा मुलुकको वर्तमान राजनीतिक परिस्थितिका बारेमा छलफल भएको नेता गुरुराज घिमिरे जानकारी दिएका छन् ।

उनले भने, ‘हामीले प्रधानमन्त्रीसँग मुलुकको राजनीतिक परिस्थिति, चुनावको तयारी, सुरक्षा अवस्थालगायतको विषयमा कुरा गरेका हौं ।’ साढे २ घण्टासम्म भएको छलफलमा प्रधानमन्त्री कार्कीले कांग्रेसभित्र विकसित घटनाक्रम र विशेष महाधिवेशनको सम्भावनाबारे समेत चासो राखेकी थिइन् । कांग्रसेको विशेष महाधिवेशन अभियानका नेताहरूले प्रधानमन्त्रीलाई भेटेपछि कांग्रेसमा तरंग उत्पन्न भएको छ । प्रधानमन्त्री भेट्न विघटित प्रतिनिधि सभा सदस्य राजेन्द्र बजगाईँसहित नेताहरू गुरु घिमिरे,देवराज चालिसे,उज्ज्वल बराल,टेकराज पौडेल,छडुप तामाङ र सन्दिप निरौला बालुवाटार पुगेका थिए ।


प्रतिक्रिया

Leave a Reply

Your email address will not be published. Required fields are marked *