उद्धारकर्मीहरूले शुक्रबार मध्य फिलिपिन्सको फोहोर फाल्ने स्थल (ल्यान्डफिल) भासिँदा कम्तीमा दुई जनाको मृत्यु भएको छ भने अन्य दर्जनौँ व्यक्ति भग्नावशेषमा पुरिएका छन् ।

बिहीबार सेबु शहरको एक निजी रूपमा सञ्चालित ‘बिनालिव ल्यान्डफिल’ मा फोहोरको ठूलो थुप्रो भासिँदा करिब ५० जना सफाई कर्मचारीहरू पुरिएका थिए।

“घटनास्थलमा अझै पनि मानिसहरू जीवित रहेका सङ्केतहरू भेटिएका छन्,” सेबुका मेयर नेस्टर आर्किभलले शुक्रबार सञ्चारकर्मीलाई सूचना दिन गर्रिको संक्षिप्त भेटमा भन्नुभयो, “पहिले नै घटनास्थलमा सयौँ उद्धारकर्ताहरूले भग्नावशेषमा पुरिएका व्यक्तिहरूको खोजी गरिरहेका छन् भने उद्धारका लागि थप ५०० जनशक्ति परिचालित गरिएको छ।

उहाँले आइतबारसम्म वेपत्ताहको खोजी र उद्धार प्रयासलाई जारी राखिने बताउनुभयो ।

घटनास्थलमा ‘कम्प्याक्टर’ सञ्चालन गर्ने रिता कोगेले आफू बसेको भवन भत्किनुभन्दा केही क्षण अघि पानी पिउन बाहिर निस्केकोले आफु बच्न सफल भएको तर धेरै मानिस त्यसमा फसेको बताउनुभयो ।

४९ वर्षीय कोगेले भन्नुभयो, “म पानी खान बाहिर गएको थिए । एक्कासी ठूलो दुर्घटनाको आवाज सुनियो । मैले हेलिकप्टर दुर्घटनाग्रस्त भयो भन्ने सोचेको थिएँ तर जब म फर्किएँ, त्यहाँ फोहोर र भवन भत्किरहेको थियो। म सुरक्षित स्थानमा भागेँ ।”

कोगेले भन्नुभयो, “भग्नावशेषबाट ‘सहयोगका लागि बोलाइरहेको’ केही सहकर्मीलाई उद्धार गरी अस्पताल पठाइएको छ।” “उद्धारकर्ताहरूले कुन उपकरणहरू प्रयोग गर्ने कि नगर्नेमा दोधार थिए किनकि कुनै पनि झिल्कोले ल्यान्डफिलबाट उत्सर्जन हुने मिथेन ग्याँस प्रज्वलित गर्ने खतरा थियो,” आर्किभलले भन्नुभयो ।

एक २५ वर्षीय इन्जिनियरको शव फेला परेसँगै मृत्यु हुनेको सङ्ख्या दुई पुगेको नगरप्रमुखले आफ्नो फेसबुक पेजमा जानकारी दिनुभएको छ उहाँले साँझको पोस्टमा दुई जनाको मृत्यु भएको र अन्य ३६ जना अझै हराइरहेका बताउनुभयो ।

फोहोरबाट कम्तीमा १२ जना कर्मचारीलाई जिउँदै निकालिएको छ र अस्पतालमा भर्ना गरिएको छ ।सहरका सहायक जनसूचना अधिकारी जेसन मोराटाले फोहोर फाल्ने पहाड अनुमानित चार तला अग्लो रहेको बताउनुभयो । प्रहरीले जारी गरेको हवाई तस्बिरमा फोहोरको बोझले थिचिएको कैयौँ संरचनाहरू देखिएको छ ।

मोराटाले भन्नुभयो, “भवनहरूमा साइट सञ्चालन गर्ने एक निजी फर्मको लागि मानव संसाधन, प्रशासन, मर्मत कर्मचारी रहने कार्यालयहरू राखिएको थियो।”सन् २००० को जुलाईमा हजारौँ मैला सफा गर्नेहरूको बसोबास रहेको मनिलास्थित छाप्राहरूमा फोहोरको पहिरोले गर्दा २०० भन्दा बढी व्यक्तिको मृत्यु भएको थियो।

त्यो त्रासदी फिलिपिन्सको इतिहासमा सबैभन्दा खराब घटना थियो । त्यसपछि फोहोर व्यवस्थापनको राम्रो नियमनको लागि महिनौँपछि कानून पारित भएको थियो।