काठमाडौं । गोली चलाएर प्रहरीले काठमाडौंको मुलपानीबाट १० जनालाई पक्राउ गरेको छ । उनीहरू लुटपाटमा संलग्न भएको प्रहरीले जनाएको छ ।

प्रहरी परिसर काठमाडौंका प्रमुख तथा प्रहरी वरिष्ठ उपरीक्षक रमेश थापाका अनुसार उनीहरू रातिको समयमा विभिन्न व्यक्तिहरूलाई पछ्याएर गहना, नगद लगायतका सामान लुटपाटमा संलग्न हुँदै आएका थिए ।

उनीहरूलाई पक्राउ गर्न परिसरको टोली गएराति परिचालन गरिएको थियो । टोलीले पक्राउ गर्ने क्रममा गोली नै चलाउनु परेको थापाले नेपालवान एचडीलाई बताए ।

विस्तृत विवरण भने पत्रकार सम्मेलन गरी सार्वजनिक गर्ने बताए ।