काठमाडौं । राष्ट्रिय प्रजातन्त्र पार्टीका उम्मेदवार डा. सुरेन्द्र भण्डारीले भ्रष्टाचार अन्त्य नभए मुलुकको भविष्य नभएको दाबी गरेका छन् ।

राप्रपाबाट काठमाडौं–४ मा उम्मेदवार बनेका भण्डारीले भ्रष्टाचार अन्त्य भए सबैथोक ठिक हुने बताए ।

‘आज मुलुकको कुनै ठूलो समस्या छ भने त्यो भ्रष्टाचार हो । जबसम्म हामी भ्रष्टाचारको अन्त्य गर्न सक्दैनौँ, तबसम्म यो मुलुकमा युवाको पनि भविष्य छैन, मुलुकको पनि भविष्य छैन र प्रणालीले पनि काम गर्न सक्दैन,’ उनले भने ।

प्रणालीले काम गर्न सक्ने बनाउन, युवाहरूलाई रोजगारी सिर्जना गर्नसँगै युवाहरूले आफ्नै मुलुकमा भविष्य देख्नका लागि भ्रष्टाचारको अन्त्य जरुरी रहेको बताए ।

तर, भ्रष्टाचारको अन्त्य गणतन्त्रको अन्त्यपछि मात्रै सम्भव हुने बताए ।