काठमाडौं – नेकपा एमालेको चुनाव चिन्ह अंकित झण्डा जलाउने रास्वपाका एक कार्यकर्ता पक्राउ परेका छन्। पक्राउ पर्नेमा तुलसीपुर उपमहानगरपालिका–७ कालाखोलाका ५५ वर्षीय बुद्धि बहादुर बस्नेत रहेका छन् ।

उनलाई जिल्ला प्रहरी कार्यालय दाङबाट खटिएको टोलीले शुक्रबार पक्राउ गरेको हो। बिहीबार तुलसीपुर उपमहानगरपालिका–५ वीरेन्द्र चोकमा रास्वपा सभापति रवि लामिछानेलाई स्वागत गर्न आयोजित कार्यक्रम भइरहेको बेला एमालेको झण्डा जलाएको आरोप बस्नेतमाथि लागेको छ।

भिडियो सामाजिक सञ्जालमार्फत सार्वजनिक भएपछि प्रहरीले अनुसन्धान अघि बढाएको छ ।