काठमाडौं । राष्ट्रिय स्वतन्त्र पार्टी (रास्वपा)ले सांसदहरूका लागि आयोजना गरेको अभिमुखीकरण तथा परिचयात्मक कार्यक्रम सुरु भएकाे छ ।

दुई दिने अभिमुखीकरण कार्यक्रल ललितपुरमा मंगलबारदेखि सुरु भएको हो । अभिमुखीकरण कार्यक्रमको पार्टीका उपसभापतिहरु डोलप्रसाद अर्याल र डा. स्वर्णिम वाग्लेले घण्टी बजाएर उद्घाटन गरेका छन् ।

कार्यक्रममा निर्वाचित प्रत्यक्ष तथा समानुपातिकतर्फका सांसदहरु सहभागी रहेका छन् ।

रास्वपाले प्रतिनिधिसभा सदस्यको निर्वाचनमा १ सय ८२  सिट जितेको थियो । आफ्ना अधिकांश सांसद नयाँ भएकाले संसदीय अभ्यास र आचारसंहितालगायत विषयमा अभिमुखीकरण र प्रशिक्षणका दिनका लागि रास्वपाले २ दिने कार्यशाला आयोजना गरेको जनाएको छ ।

अभिमुखीकरणमा सांसदलाई संसदीय अभ्यास, नीति निर्माण, संसद्को कार्यप्रणाली तथा जनप्रतिनिधिको जिम्मेवारी, पार्टीले अवलम्वन गर्नुपर्ने नीतिलगायतबारे  प्रशिक्षण दिइने जनाएको छ ।