काठमाडौं । नेकपा एमालेका महासचिव शंकर पोखरेलले राष्ट्रिय स्वतन्त्र पार्टी (रास्वपा)को चुनावमा भएकाे जितलाई दीर्घकालीन स्थायित्वसँग जोड्न नहुने बताएका छन् ।

हालैको चुनावी परिणामबारे प्रतिक्रिया दिँदै पोखरेलले रास्वपाको सफलता तत्कालीन लहरको परिणाम भएको बताएका हुन्। उनले इतिहासतर्फ संकेत गर्दै सन् १९८४ को भारतीय आम चुनावमा देखिएको राजीव लहरको उदाहरण दिएका छन्।

उनका अनुसार त्यसबेला राजीव गान्धीको नेतृत्वमा कांग्रेस (आई) ले अत्यधिक बहुमत हासिल गरे पनि समयसँगै कमजोर बन्दै गएको थियो।

त्यतिबेला कमजोर अवस्थामा रहेको भारतीय जनता पार्टी (भाजपा) पछि विस्तारै बलियो बन्दै अहिले नरेन्द्र माेदीको नेतृत्वमा निरन्तर सत्तामा रहन सफल भएको उनले स्मरण गराए।

पोखरेलले यस्ता उदाहरणले चुनावी जित मात्र पर्याप्त नहुने स्पष्ट पार्ने बताए। ‘लहरले जित दिलाउन सक्छ, तर त्यसलाई दीर्घकालीन बनाउने कुरा संगठन, नीति र जनअपेक्षा पूरा गर्ने क्षमतामा निर्भर हुन्छ,’ उनले सामाजिक सञ्‍जाल फेसबुकमा बुधबार लेखे ।

उनले राजनीतिक दलहरूलाई अल्पकालीन उत्साहभन्दा दीर्घकालीन रणनीतिमा केन्द्रित हुन सुझाव दिएका छन्। साथै, जनताको विश्वास कायम राख्न निरन्तर काम र परिणाममुखी नेतृत्व आवश्यक हुने उनको जोड थियो।

पो