काठमाडौं। कलाकार सागर लम्साल (बले)लाई प्रहरीले बूढानीलकण्ठ नगरपालिका-कपन, बालुवाखानी क्षेत्रबाट पक्राउ गरेको छ।

जिल्ला प्रहरी परिसर काठमाडौँका प्रमुख एसएसपी रमेश थापाका अनुसार गम्भीर प्रकृतिको उजुरीका आधारमा उनलाई नियन्त्रणमा लिइएको हो।

लम्सालमाथि कलाकार परिवारकै एक सदस्यले बलात्कारको आरोप लगाएकी छन्। अमेरिकामा रहेकी ती महिलाले शुक्रबार सामाजिक सञ्जाल फेसबुकमार्फत आफूलाई अमेरिकामै बलात्कार गरिएको दाबी गरेकी थिइन्।