काठमाडौं । नेकपा एमालेका अध्यक्ष तथा पूर्वप्रधानमन्त्री केपी शर्मा ओली र कांग्रेस नेता एवं पूर्वगृहमन्त्री रमेश लेखकको बन्दी प्रत्यक्षीकरण रिटमाथि सुनुवाइ जारी रहँदै ‘हेर्दाहेर्दै’ मा राखिएको छ।

आइतबार सर्वोच्च अदालतमा न्यायाधीशद्वय विनोद शर्मा र सुनिलकुमार पोखरेलको इजलासमा उक्त रिटमाथि सुनुवाइ भएको थियो।

सुनुवाइ आजै नसकिएकाले सोमबारका लागि ‘हेर्दाहेर्दै’ मा राखिएको सर्वोच्च अदालतले जनाएको छ।

भदौ २३ र २४ गते भएको जेनजी आन्दोलनसम्बन्धी घटनाको छानबिनका लागि गठन गरिएको पूर्वन्यायाधीश गौरीबहादुर कार्की नेतृत्वको जाँचबुझ आयोगको प्रतिवेदनमा तत्कालीन प्रधानमन्त्री र गृहमन्त्रीविरुद्ध अनुसन्धान गर्न सिफारिस गरिएको थियो।