काठमाडौं । पूर्वप्रधानमन्त्री केपी शर्मा ओली र पूर्वगृहमन्त्री रमेश लेखकविरुद्ध दायर बन्दी प्रत्यक्षीकरण रिट सर्वोच्च अदालतले खारेज गरेको छ।

यद्यपि अदालतले उनीहरूको म्याद थप नगर्न परमादेश जारी गरेको छ। ओली र लेखक दुवैको हिजो मात्र तेस्रोपटक ५ दिनका लागि म्याद थप गरिएको थियो।

सर्वोच्च अदालतको आदेशअनुसार अब थप म्याद लिन पाइने छैन र ५ दिनभित्र मुद्दा अदालतमा पेश गर्नुपर्नेछ।

यदि उक्त समयभित्र मुद्दा पेश नभएमा उनीहरूलाई साधारण तारेख वा धरौटीमा रिहा गर्नुपर्ने अवस्था रहनेछ।