एजेन्सी। मादक पदार्थ सेवन गरी सवारी चलाएको आरोपमा पक्राउ परेका अस्ट्रेलियाका पूर्वओपनर डेविड वार्नरलाई आगामी महिनामा अदालतमा उपस्थित हुन निर्देशन दिइएको छ।

अस्ट्रेलियाली सञ्चारमाध्यम न्युजकमएयू अनुसार उनलाई मे ७ मा डाउनी सेन्टर लिगल कोर्टमा उपस्थित हुन आदेश दिइएको हो।

न्युजकमएयूका अनुसार सिड्नीको मारौब्रा क्षेत्रमा अप्रिल ५ मा न्यु साउथ वेल्स प्रहरीले गरेको मादक पदार्थ सेवन जाँचका क्रममा वार्नरको शरीरमा तोकिएको सीमाभन्दा बढी अल्कोहल रहेको पुष्टि भएको थियो।

जाँचमा उनको शरीरमा भेटिएको मादक पदार्थको मात्रा अस्ट्रेलियामा तोकिएको सीमाभन्दा करिब दोब्बर रहेको जनाइएको छ।