काठमाडौं । आठ किलोभन्दा बढी गाँजासहित एक भारतीय नागरिक त्रिभुवन अन्तर्राष्ट्रिय विमानस्थलमा पक्राउ परेका छन्।

पक्राउ पर्नेमा २२ वर्षीय भारतीय नागरिक अक्षय कुमार रहेका छन्। उनलाई मंगलबार राति विमानस्थल सुरक्षा कार्यालय र लागु औषध नियन्त्रण ब्युरोको संयुक्त टोलीले नियन्त्रणमा लिएको हो।

उनको साथबाट ८ किलो ५६० ग्राम गाँजा बरामद गरिएको प्रहरीले जनाएको छ। उनी थाई एयरको उडानमार्फत बैंककबाट काठमाडौं आएका थिए।

पक्राउ परेका कुमारमाथि लागु औषध नियन्त्रण ब्युरोले थप अनुसन्धान अघि बढाएको छ।