काठमाडौं । मालपोत कार्यालयमा सक्रिय १८ जना बिचौलियालाई प्रहरीले पक्राउ गरेको छ।

जिल्ला प्रहरी परिसर काठमाडौंको टोलीले उनीहरूलाई पक्राउ गरेको हो।

मालपोत कार्यालय कलंकी, चाबहिल र कम्पनी रजिष्ट्रार कार्यालय त्रिपुरेश्वरबाट उनीहरूलाई नियन्त्रणमा लिइएको प्रहरीले जनाएको छ।

प्रहरीका अनुसार उनीहरूले सेवाग्राहीलाई छिटो काम गराइदिने भन्दै हैरानी दिने र रकम असुल्ने गरेका थिए।