काठमाडौं। नेपाली कांग्रेसका सभापति गगन थापा ले सरकारले नागरिकका माग बेवास्ता गरे सशक्त रूपमा प्रस्तुत हुने चेतावनी दिएका छन्।

बुधबार विराटनगर विमानस्थलमा पत्रकारहरूसँग कुरा गर्दै उनले यस्तो चेतावनी दिएका हुन्।

उनले भदौ २४ गतेको घटनाको निष्पक्ष छानबिन गर्न माग गरे। साथै, सरकारले कानुन मिचेर निर्णय गरिरहेको आरोपसमेत लगाए।

थापाले जनहितका विषयमा कांग्रेस दृढ रूपमा उभिने स्पष्ट पार्दै सरकारका राम्रा काममा समर्थन रहने तर कमजोरीमा कडा रूपमा आवाज उठाइने बताएका छन्।