काठमाडौं। दाङको तुलसीपुर उपमहानगरपालिका–६ रजौरास्थित निर्माणाधीन घरको पानी ट्यांकीबाट दुई पुरुषको शव फेला परेको छ।

प्रहरीका अनुसार दुवै शव बुधबार फेला परेका हुन्। मृतकहरूको पहिचान अझै खुल्न नसकेको र घटनाबारे जानकारी पाएलगत्तै प्रहरी टोली घटनास्थल पुगेर अनुसन्धान सुरु गरेको छ।

जिल्ला प्रहरी कार्यालय दाङले शवको पहिचान, मृत्युको कारण तथा घटनाको वास्तविकता खुलाउन आवश्यक अनुसन्धान भइरहेको जनाएको छ।