काठमाडौं। राष्ट्रिय जेन–जी नागरिक अभियानले सांसदहरूको स्वकीय सुविधा पुनर्बहाली गर्ने सरकारको निर्णयको विरोधमा शनिबार काठमाडौंको माइतीघर मण्डलामा प्रदर्शन गरेको छ।

अभियानले उक्त निर्णय जेन–जी आन्दोलनको मर्म, भावना र सुशासनको सिद्धान्तविपरीत रहेको दाबी गर्दै त्यसको विरोधमा प्रदर्शन गरेको हो।

प्रदर्शनमा सहभागीहरूले जनप्रतिनिधिको सुविधा विस्तार गर्नुको सट्टा राज्यको खर्च कटौती, पारदर्शिता र जवाफदेहितालाई प्राथमिकता दिनुपर्ने माग गरेका थिए। उनीहरूले स्वकीय सुविधा पुनर्बहाली गर्ने निर्णय तत्काल फिर्ता लिन सरकारसँग आग्रह गरेका छन्।

माइतीघर मण्डलामा भएको प्रदर्शन शान्तिपूर्ण रूपमा सम्पन्न भएको थियो। प्रदर्शनका क्रममा सहभागीहरूले सरकारको निर्णयप्रति असन्तुष्टि जनाउँदै विभिन्न नाराबाजीसमेत गरेका थिए।