काठमाडौं । नेपाली कांग्रेसका सभापति गगन थापाले पार्टीको १५औँ महाधिवेशन औपचारिक रूपमा उद्घाटन गरेका छन्।

काठमाडौंको खुलामञ्चमा आयोजित समारोहमा थापाले कांग्रेसका संस्थापक तथा अग्रज नेताहरूको तस्बिरमा माल्यार्पण गर्दै महाधिवेशनको सुरुवात गरेका हुन्। उनले दीप प्रज्वलन गर्नुका साथै बिरुवामा जल सेचनसमेत गरे।

उद्घाटन समारोहमा कांग्रेसका अग्रज नेताहरूको तस्बिरमा विभिन्न राजनीतिक दलका नेताहरूले पनि माल्यार्पण गरेका थिए।

समारोहमा राष्ट्रिय स्वतन्त्र पार्टीका सभापति रवि लामिछानेसहित विभिन्न राजनीतिक दलका नेता तथा प्रतिनिधिहरूको सहभागिता रहेको छ।