काठमाडौं । उपसभामुख रुबीकुमारीले तिहार, लक्ष्मीपूजा तथा भाइटीकाको अवसरमा स्वदेश तथा विदेशमा रहेका सम्पूर्ण नेपालीलाई शुभकामना व्यक्त गरेकी छन्।

आइतबार सामाजिक सञ्जालमार्फत शुभकामना दिँदै उनले तिहारले नेपाली समाजमा आपसी प्रेम, विश्वास, आत्मीयता र सामाजिक सद्भावलाई थप प्रगाढ बनाउने विश्वास व्यक्त गरेकी छन्।

माता लक्ष्मीको कृपाले सबैको घरपरिवारमा सुख, शान्ति, समृद्धि र सुस्वास्थ्य छाओस् भन्दै उनले नेपाली कला, संस्कृति र मौलिक परम्परा सधैँ जीवन्त रहनुपर्ने बताएकी छन्।

उनले तिहार तथा भाइटीकाले सबैको जीवनमा नयाँ उमङ्ग, आशा, उत्साह र सकारात्मक ऊर्जा प्रदान गरोस् भन्ने कामनासमेत गरेकी छन्।