दाङ । मानव कल्याण तथा वातावरण संरक्षण केन्द्र दाङका कार्यकारी निर्देशक प्रदीप मजगैयाले स्वास्थ्यस्वयंसेवीकाहरुलाई प्रविधिको प्रयोगमा जोड दिन आग्रह गरेका छन् ।

नेपाल टेलिकमको साझेदारी तथा नेपाल वान एचडी र ग्लोबल एटु जेड कन्सल्टेन्टको आयोजनामा शनिबार दाङको घोराहीमा आयोजित कार्यक्रममा मजगैयाले हरेकको घरघरमा पुग्न सम्भव नभएकाले स्वास्थ्यस्वयंसेवीकाहरुलाई भाइबर, फेसबुक, गुगलमिट जस्ता प्रविधिको प्रयोग गर्न आग्रह गरेका हुन् ।

उनले यसका लागि राज्यसँग समन्वय गरी उपलब्ध गराउन पनि पहल गर्ने बताए । उनले प्रविधिको प्रयोग गर्न सिकाउने उद्देश्यले कार्यक्रम आयोजना गरेको बताए ।

मजगैयाले स्वास्थ्यस्वयंसेवीकाहरुको सेवा सुविधाका लागि नीतिगत व्यवस्था गर्न आफूहरुले प्रधानमन्त्री र अर्थमन्त्रीसँग पहल गर्ने बताए ।