दाङ । घोराही उपमहानगरपालिकाकी उपप्रमुख हुमा डिसीले पछाडि परेको वर्गको हक अधिकारका लागि कलम चलाइदिन पत्रकारहरुलाई आग्रह गरेकी छन् ।

बुधबार दाङको घोराहीमा ग्लोबल एटु जेड कन्सल्टेन्ट प्रालिको आयोजना तथा नेपाल वान एचडी, र मानव कल्याण तथा वातावरण संरक्षण केन्द्र दाङको समन्वय र वल्र्ड लिंको मुख्य प्रायोजनमा भएको लैंगिक समानता र सामाजिक समावेशीकरण प्रवद्र्धनका लागि महिला अभिमुखीकरण कार्यक्रम उपप्रमुख डिसीले गरिब र निमुखा वर्गको हक अधिकारको उत्थानका लागि पत्रकारले कलम चलाउनुपर्ने बताइन् ।

उनले अहिलेसम्म राजनीतिक दलले महिललाई उपको व्यवस्था गरेकोमा अब मेयर तथा अध्यक्षको दाबी गर्नुपर्ने बताइन् । राजनीतिक दलमा पनि महिलाले नेतृत्व गर्न नसक्ने सोच रहेको र उपमा सीमित गर्न खोजेकाले अब महिलाहरुले नेतृत्वमा दाबी गर्नुपर्ने बताइन् ।

उनले भनिन्,‘भन्न चाहिँ राजनीतिमा महिला र पुरुष बराबर भन्ने तर अन्तिममा बाहिर सहमति गरेर निर्णय सुनाउने प्रवृत्ति छ, त्यसलाई तोड्नुपर्छ ।’