काठमाडौं । नेपाली कांग्रेसका सांसद सञ्जय गौतमले सरकारविरुद्ध सत्याग्रह बस्ने चेतावनी दिएका छन् । प्रतिनिधि सभाको बैठकमा बोल्दै बर्दियाको आयोजना सुटुक्क पार्टी सभापति शेरबहादुर देउवाको गृह जिल्ला डडेलधुरा पुर्‍याइएको भन्दै सत्याग्रहको बस्ने घोषणा पनि गरे ।

उनले भने , ‘मैले बारम्बार सदनमा भनेँ, तर सरकार सुन्दैन, यो के गर्न खोजेको ? सरकारले मेरो कुरा सुनोस् । होइन भने आफ्नै सरकारका विरुद्धमा आफ्नै सांसद पुनः सत्याग्रहको रूपमा उभिन्छु। म घोषणा पनि गर्न चाहन्छु ।’