काठमाडौं । सुशीला कार्की नेतृत्वको अन्तरिम सरकारमा मन्त्री नियुक्त गर्न थप तीन जनाको नाम राष्ट्रपति कार्यालय पठाइएको छ । मन्त्री नियुक्तिका लागि मोहना अन्सारी, जगदीश खरेल र महावीर पुनको नाम राष्ट्रपति कार्यालय पुगेको स्रोतले जनाएको छ ।

मानवअधिकारकर्मी रहेकी अन्सारीले लिने मन्त्रालयको नाम खुलेको छैन । पत्रकार खरेलले सञ्चार तथा सूचना प्रविधि र वैज्ञानिक पुनले शिक्षा, विज्ञान तथा प्रविधि मन्त्रालय लिने छन् । उनीहरूको नियुक्ति र शपथ आजै गर्ने शीतल निवासको तयारी छ । यसअघि प्रधानमन्त्री कार्कीले डा. सन्दुक रुइत, संविधानविद भीमार्जुन आचार्य र डा. भगवान कोइरालालाई मन्त्रीको प्रस्ताव गरे पनि उनीहरुले अस्वीकार गरिसकेका छन् । यस्तै पर्यटन मन्त्रीका लागि विजय लामाको नाम पनि चर्चामा छ ।