काठमाडौं । पहिरोबाट सबै भन्दा धेरैको ज्यान गएको क्षेत्र अवलोकन गर्न वर्तमान सरकारका दुई मन्त्रीहरु आज (सोमबार) इलाम जाने भएका छन् । मौसम अनुकूल भएमा मन्त्रीद्वय कुलमान घिसिङ र ओम प्रकाश अर्याल आज इलाम जाने भएका हुन् ।

काठमाडौंबाट झापाको भद्रपुरसम्म नियमित उडानको हवाईजहाजमा र भद्रपुरबाट इलाममा हेलिकप्टरबाट जाने तयारी छ । असोज १८ गतेको भिषण वर्षाले इलाममा ३७ जनाको मृत्यु भइसकेको छ । कयौं घाइते र बेपत्ता छन् ।

राजमार्ग, पुल, जलविद्युत् आयोजना लगायतका भौतिक संरचनाहरु भत्किएर क्षतविक्षत भएका छन् । शुक्रबार र शनिबारको बाढी पहिरोका कारण देशभर ५३ जनाको ज्यान गएको छ ।