काठमाडौँ । काठमाडौँ महानगरपालिका–११ स्थित सुन्धारास्थित होटलमा एक जना शिक्षक मृत भेटिएका छन् । रुकुम पश्चिमको मुसिकोट नगरपालिका–५ टक्सेरा घर भएका ४६ वर्षीय सुरेश पुन मगर मृत भेटिएका हुन् ।

मंगलबार मृत भेटिएका उनको शव पोष्टमार्टमको लागि त्रिवि शिक्षण अस्पतालमा पठाइएको जिल्ला प्रहरी परिसर काठमाडौँका एक जना अधिकृतले बताए । उनी रुकुम पश्चिमस्थित सिस्ने सनराइज बोर्डिङ स्कुलको प्रिन्सिपल हुन् । पुन मगर १ महिनादेखि सुन्धारा स्थित होटल रोयल थकालीमा बस्दै आएका थिए । अनुसन्धानमा संलग्न अधिकृतहरूका अनुसार घटना शंकास्पद देखिएको छैन ।