काठमाडौं । गृहमन्त्रीसहित तीन जना मन्त्रीहरू मधेस प्रदेश भ्रमणमा जाने भएका छन् । शान्ति सुरक्षाको अवस्था र निर्वाचन तयारीबारे जानकारी लिन मन्त्रीहरू मधेस जान लागेका हुन् ।

गृहमन्त्री ओमप्रकाश अर्याल, उद्योग तथा कानुन मन्त्री अनिलकुमार सिन्हा र युवा तथा खेलकुद मन्त्री बब्लु गुप्ता मधेस जाने कार्यक्रम तय भएको प्रधानमन्त्रीको सचिवालयले जनाएको छ । मन्त्रीहरूको साथमा गृहसचिव रामेश्वर दंगाल समेत मधेस जाने भएका छन् । मन्त्रीहरू आइतबार र सोमबार मधेसमा रहने छन् ।

सरकारले फागुन २१ गते प्रतिनिधि सभा निर्वाचन घोषणा गरेको छ । त्यसका लागि आवश्यक सुरक्षा व्यवस्थाबारे बुझ्न गृहमन्त्रीसहित मन्त्रीहरू मधेस जान लागेका हुन् । मन्त्रीहरूले सुरक्षा निकायका विभिन्न कार्यालय अवलोकन, सरकारी कार्यालय प्रमुखहरूसँग अन्तक्र्रिया गर्ने कार्यक्रम छ ।