काठमाडौं । नेकपा एमालेले ‘घर फर्क अभियान’ अन्तरगत पार्टीमा आएका नेताहरुलाई महाधिवेशन प्रतिनिधि बनाउने निर्णय गरेको छ ।

बिहीबार पार्टी केन्द्रीय कार्यालय च्यासलमा बसेको सचिवालय बैठकले यस्तो निर्णय लिएको उपमहासचिव प्रदीप ज्ञवालीले जानकारी दिए ।

‘घर फर्क अभियानमा जोडिएका केन्द्रीय सदस्यलाई महाधिवेशन प्रतिनिधि बनाउने विशेष निर्णय भएको छ,’ ज्ञवालीले बैठकका निर्णयबारे जानकारी गराउँदै भने । नेकपा एसबाट रामकुमारी झाँक्री, किसान श्रेष्ठ लगायतका नेताहरु एमालेमा फर्किएका थिए ।

एमालेको दशौं केन्द्रीय कमिटी बैठकले मंसिरको २७, २८, २९ गते ११ औं महाधिवेशन गर्ने निर्णय गरेको थियो ।