काठमाडौं । कोशीका मुख्यमन्त्री हिक्मत कार्कीले मन्त्रिपरिषद् पुनर्गठन गर्ने भएका छन् । उनले सबै मन्त्री हटाउने र नयाँ मन्त्री नियुक्त गर्ने भएका हुन् ।

मंगलबार साढे ४ बजे शपथ ग्रहण गराउनेगरी उनीहरूको नियुक्ति गर्ने तयारी भइरहेको कार्कीको सचिवालयले जनाएको छ ।

पुनर्गठित मन्त्रिपरिषद्‍मा एमालेबाट विदुर लिङथेप, चिन्तन पाठक, इन्द्रमणि पराजुली र रामकुमार महतो मन्त्री बन्‍ने छन् ।

लिङ्थेपलाई आर्थिक मामिला तथा योजना, पाठकलाई खानेपानी सिँचाइ तथा ऊर्जा र पराजुलीलाई आन्तरिक मामिला तथा कानुन, महतोलाई सामाजिक विकास मन्त्रालयको जिम्मेवारी दिने तयारी छ । उमाकान्त गौतमलाई राज्यमन्त्री बनाउने तयारी छ ।

कांग्रेसबााट प्रदीप सुनुवार, भीम पराजुली, मानबहादुर लिम्बू, इस्राइल मन्सुरी मन्त्री बन्दैछन् । सुनारलाई भौतिक पुर्वाधार, पराजुलीलाई पर्यटन वन तथा वातावरण, लिम्बूलाई स्वास्थ्य र मन्सुरीलाई उद्योग कृषि तथा सहकारी बनाउने तयारी छ । शोभा चेम्जोङ राज्यमन्त्री बन्‍ने छिन् ।

कार्कीले कोशीमा एमाले–कांग्रेस सम्मिलित गठबन्धन सरकार चलाइरहेका छन् ।