काठमाडौं । पूर्वप्रधानमन्त्रीसमेत रहेका नेकपा एमालेका अध्यक्ष केपी शर्मा ओली गृहजिल्ला झापा पुग्दा उनलाई फूल उपहार दिइएको छ ।

कसैले गलामा खादा लगाइदिएका छन् । निधारमा रातो टिका लगाएका ओलीलाई गृहजिल्लामा गरिएको भव्य स्वागत हो ।

ओली झापा–५ बाट प्रतिनिधिसभा सदस्य उम्मेदवार छन् । संसदीय निर्वाचनमा ओलीले आठौँपटक प्रतिस्पर्धा गर्न लागेका हुन् । ५ माघमा उनले उम्मेदवारी दर्ता गरेका थिए ।

पार्टीको पक्षमा देशव्यापी चुनावी अभियानसमेत सञ्चालन गर्नुपर्ने अभिभारा बोकेका ओलीले चुनाव क्षेत्रका मतदातासँग भेटघाट गर्दैछन् ।

त्यसका लागि आएका ओलीले जिल्लावासीबाट न्यानो सत्कार पाएका हुन् ।