काठमाडौं । राष्ट्रिय स्वतन्त्र पार्टी (रास्वपा)का उपसभापति डोलप्रसाद अर्याल (डीपी)ले रास्वपालाई एकपटक दुई तिहाइ बहुमत दिन कालिमाटी तरकारी बजारका मतदाताहरूसँग आग्रह गरेका छन् ।

उनले रास्वपाका नेताहरू इमानदार, लगनशील र क्षमतावान भएको दाबी गर्दै यसपटक मत दिन अपिल गरे ।

‘राष्ट्रिय स्वतन्त्र पार्टीका नेताहरूसँग तीनवटा कुरा छ, इमानदारिता, लगनशीलता र क्षमता,’ उनले भने, ‘यी तीनवटा कुरा भएका कारणले पक्कै पनि यो देश समृद्धितर्फ अघि बढ्ने छ, सुशासन कायम हुने छ । भ्रष्टाचारको अन्त्य हुने छ ।’

उनले व्यापारी र मजदुरहरूको पक्षमा नीति निर्माण गर्नुपर्ने हुनाले रास्वपाले यसपटक दुई तिहाइ ल्याउने प्रयास गरिरहेको बताए ।

उपसभापति अर्याल काठमाडौं–९ बाट उम्मेदवार छन् । उनी यसअघि समानुपातिक सांसद थिए ।