काठमाडौं । नेकपा एमालेका उम्मेदवार सूर्यबहादुर थापालाई कैलाली क्षेत्र नम्बर २ मा प्रगतिशील लोकतान्त्रिक पार्टी (प्रलोपा) बाट उम्मेदवार रहेका डम्बरबहादुर रावलले समर्थन गरेका छन् ।

उनी एमाले उम्मेदवार थापालाई जिताउन अभियानमा खटिने भएका छन् । शनिबार दुई पार्टीबीच समर्थनका लागि सहमति गरेपछि प्रलोपा उम्मेदवार रावलले आफू निष्क्रिय भएको घोषणा गरे ।

जेन-जी विद्रोहपछि सल्बलाएका शक्तिहरूले देशको अस्मितामाथि नै खतरा उत्पन्न गर्ने भएकाले संविधान र देशको रक्षा गर्न प्रत्यक्षमा एमालेलाई साथ दिने र समानुपातिकतर्फ आ-आफ्नो चुनाव चिन्हलाई मत माग्ने सहमति पत्रमा उल्लेख छ।