काठमाडौ । प्रतिनिधिसभा निर्वाचनको समानुपातिक तर्फको मतगणना सकिएको छ । निर्वाचन आयोगका अनुसार सर्वाधिक समानुपातिक राष्ट्रिय स्वतन्त्र पार्टी (रास्वपा)ले पाएको छ ।

रास्वपाले ५१ लाख ५० हजार ८५८ मत पाएको हो । यो भनेको कुल मतदानको ४७.९ प्रतिशत हो । देशमा २०६४ सालको संविधानसभा निर्वाचनबाट समानुपातिक निर्वाचन प्रणाली कार्यान्वयनमा आएकोमा कुनै एक दलले यति धेरे मत प्राप्त गरेको थिएन ।

तर, रास्वपाले यसपटक सर्वाधिक मत पायो । अघिल्लो प्रतिनिधिसभामा पहिलो दल रहेको नेपाली कांग्रेसले १७ लाख ५४ हजार ६९५ मत पाएको छ । यो भनेको १६.३ प्रतिशत मत हो ।

नेकपा एमालेले १४ लाख ५२ हजार ७४ मत अर्थात् १३.५ प्रतिशत पाएको छ ।

पुष्पकमल दाहाल ‘प्रचण्ड’ नेपाली कम्युनिस्ट पार्टी (नेकपा)ले ८ लाख ९ हजार २९० मत पायो । यो मत ७.५ प्रतिशत हो ।

प्रतिनिधिसभामा आएको नयाँ दल श्रम संस्कृति पार्टीले ले ३ लाख ८५ हजार ६८९ अर्थात् ३.५ प्रतिशत मत र राष्ट्रिय प्रजातन्त्र पार्टी (राप्रपा)ले ३ लाख ३० हजार ११८ (३.१ प्रतिशत) मत पाएको आयोगले जनाएको छ ।