काठमाडौं । सरकारले जेन-जी आन्दोलनसम्बन्धी गौरीबहादुर कार्की नेतृत्वको जाँचबुझ आयोगले बुझाएको प्रतिवेदन अध्ययन गर्न छुट्टै समिति बनाउने निर्णय गरेको छ ।

आइतबार बसेको मन्त्रिपरिषद् बैठकले उक्त प्रतिवेदन ग्रहण गर्दै त्यसको अध्ययनका लागि छुट्टै आयोग बनाउने निर्णय गरेको हो । सरकारका प्रवक्ता एवं गृहमन्त्री ओमप्रकाश अर्यालले यो जानकारी दिए ।

‘२०८२ भदौ २३ र २४ गते भएको प्रदर्शनको क्रममा भएका घटनाको जाँचबुझ गर्न गठित जाँचबुझ आयोगले पेश गरेको प्रतिवेदन अध्ययन गर्नेगरी नेपाल सरकार मन्त्रिपरिषद्ले ग्रहण गर्ने,’ अर्यालले भने ।

उल्लेखनीय छ, गत २३ र २४ भदौमा भएको जेनजी आन्दोलनको क्रममा घटेका घटनाबारे जाँचबुझ गर्न सरकारले कार्की नेतृत्वमा आयोग गठन गरेको थियो । सो आयोगले तयार पारेको प्रतिवेदनबारे मन्त्रिपरिषद्मा आइतबार विस्तृत छलफल भएको थियो, र अन्ततः प्रतिवेदन ग्रहण गर्दै थप अध्ययनका लागि नयाँ समिति बनाउने निर्णयमा पुगेको हो ।