कञ्चनपुर। कञ्चनपुरमा सेवाग्राहीलाई अनावश्यक दुःख दिएको आरोपमा प्रहरीले सात जनालाई नियन्त्रणमा लिएको छ। जिल्ला प्रशासन कार्यालय आसपास बिचौलियाको काम गर्ने चार जना, यातायात व्यवस्था कार्यालयबाट दुई जना र मालपोत कार्यालयबाट एक जना पक्राउ परेका हुन्।

प्रहरीका अनुसार प्रशासन कार्यालय अगाडिबाट बेदकोट नगरपालिका-५, धरमपुरका सालम बोगटी, दिल विक, सागर घरेडी र दिपेन्द्रकुमार बोहरालाई नियन्त्रणमा लिइएको हो। उनीहरू विभिन्न अनलाइन सेवा केन्द्रसँग आबद्ध रहेको खुलेको छ।

यसैगरी, यातायात व्यवस्था कार्यालय र मालपोत कार्यालय परिसरमा सेवाग्राहीलाई हैरानी दिइरहेको भन्ने सूचनाका आधारमा कपिल जोशी, हिमान्शु चन्द र कैलाश सुनारलाई पनि पक्राउ गरिएको प्रहरीले जनाएको छ।