काठमाडौं । नेपाल प्रहरीले ललितपुर जिल्लाका नापी र यातायात व्यवस्था कार्यालयबाट ३२ जना बिचौलियालाई पक्राउ गरेको छ।

आइतबार ललितपुर महानगरपालिका-५ लगनखेलस्थित नापी कार्यालय र एकान्तकुनामा रहेको यातायात व्यवस्था कार्यालयबाट उनीहरूलाई नियन्त्रणमा लिइएको प्रहरीले जनाएको छ।

जिल्ला प्रहरी परिसर, ललितपुर, प्रहरी वृत्त सातदोबाटो र वडा प्रहरी कार्यालय लगनखेलबाट खटिएको टोलीले नापी कार्यालयबाट २१ जना र यातायात कार्यालयबाट ११ जना बिचौलिया पक्राउ गरेको हो।

प्रहरीका अनुसार पक्राउ परेकाहरूले सेवाग्राहीलाई अनावश्यक हैरानी दिने र सेवा प्रवाहमा अवरोध सिर्जना गर्ने कार्य गर्दै आएका थिए। उनीहरूमाथि थप अनुसन्धान भइरहेको छ।