काठमाडौं । नेपाली कांग्रेसका नेता तथा पूर्वऊर्जामन्त्री दीपक खड्कामाथि अनुसन्धान गर्न थप ७ दिनको म्याद थप गरिएको छ।

सम्पत्ति शुद्धीकरणसम्बन्धी मुद्दामा अनुसन्धान भइरहेको खड्कालाई चैत १५ गते पक्राउ गरिएको थियो। उनलाई आज दोस्रोपटक म्याद थप गरिएको हो। यसअघि काठमाडौं जिल्ला अदालतले ७ दिन हिरासतमा राखेर अनुसन्धान गर्न अनुमति दिएको थियो।

पूर्व ऊर्जा, जलस्रोत तथा सिँचाइमन्त्री खड्कालाई भदौ २४ गते भएको जेनजी आन्दोलनका क्रममा उनको घरबाट बरामद रकमको विषयमा अनुसन्धान गर्न नियन्त्रणमा लिइएको गृहमन्त्री सुधन गुरुङले बताएका थिए।