काठमाडौं । कलाकार सागर लम्साल ‘बले’लाई पाँच दिन हिरासतमा राखेर अनुसन्धान गर्न काठमाडौंका प्रमुख जिल्ला अधिकारी ईश्वरराज पौडेलले प्रहरीलाई अनुमति दिएका छन्।

अमेरिकामा बस्ने एक युवतीले सामाजिक सञ्जालमार्फत उनीमाथि जबरजस्ती करणीको आरोप लगाएपछि प्रहरीले उनलाई नियन्त्रणमा लिएको हो। सोही आरोपको आधारमा अनुसन्धान अघि बढाइएको प्रहरीले जनाएको छ।

यद्यपि, हालसम्म उनीविरुद्ध औपचारिक रूपमा किटानी जाहेरी भने दर्ता भएको छैन। त्यसैले प्रारम्भिक अनुसन्धानका लागि प्रहरीले अभद्र व्यवहारसम्बन्धी कसुरमा हिरासत अनुमति मागेको थियो।