काठमाडौं।  एमाले सांसद गुरु प्रसाद बरालले नेपालको संविधान र विधिको शासन देशभर उल्लङ्घन भएको बताएका छन्। प्रतिनिधि सभाको बैठकमा बोल्दै उनले देशभर सरकारले संविधानको उलंघन गरेको आरोप लगाएका हुन् ।

उनले भने, ‘नेपालको संविधान, विधिको शासन देशैभर उल्लङ्घन भएको छ। यो उल्लङ्घन गर्ने अधिकार सरकारलाई छैन। यसअर्थमा संविधान प्रदत्त  नागरिकका मौलिक अधिकारहरुलाई स्थापित गर्नका लागि निर्देशनका लागि अनुरोध गर्दछु।’

यस्तै बरालले हिरासतमा रहेका पुर्वप्रधानमन्त्री केपी शर्मा ओली र गृहमन्त्री रमेश लेखक माथी छुट्टै नजीर स्थापना गर्ने षड्यन्त्र भएको बताएका छन्। सुरक्षा निकयलाई छुट्टै कार्यदल,राष्ट्रसेवकहरूको सन्दर्भमा दोस्रो नजिर र पूर्वप्रधानमन्त्री तथा गृहमन्त्रीको सन्दर्भमा तेस्रो नजिर स्थापना गर्ने सरकारको प्रयासप्रति उनले गम्भीर आपत्ति जनाएका छन्।

उनले भने, ‘भदौ २३ र २४ को घटनालाई लिएर तीन खालको स्तरमा एक सुरक्षा निकयलाई छुट्टै कार्यदल बनाएर अध्ययन गर्ने, राष्ट्रसेवकहरुको सन्दर्भमा दोस्रो नजीर र पूर्वप्रधानमन्त्री र गृहमन्त्रीको सन्दर्भमा तेस्रो नजिर स्थापना गर्न खोजिँदै छ, यसप्रति म गम्भीर आपत्ति प्रकट गर्छु। यसमा सभामुख मार्फत गम्भीर ध्यानाकर्षण गर्न चाहन्छु।’