काठमाडौं। राष्ट्रिय स्वतन्त्र पार्टीका सांसद पुरुषोत्तम यादवले तत्कालीन प्रधानमन्त्री केपी शर्मा ओलीलाई छलेको भूतको सवार अहिले एमाले संसदीय दलको नेता रामबहादुर थापा बादलमा सवार रहेको बताएका छन् । बुधबार प्रतिनिधिसभाको बैठकमा बोल्दै उनले यस्तो बताएका हुन्।

यादवले भने, ‘जेनजी आन्दोलनसम्म प्रधानमन्त्री रहनुभएका ओलीज्यूलाई जुन भूतले छलेको थियो । अहिले त्यही भूत बादलज्यूमा सवार रहेको देखिन्छ ।’  थप्दै उनले भने ,त्यसैले सरकारसंग जोडदार माग गर्दछु एउटा भुत झार्ने झाँक्रीको व्यवस्था गरियोस्। किनकी आज जुन अपराधी कारागारमा हुनुपर्ने त्यो हस्पिटलको बेडमा छ’

यादवले वर्तमान सरकार र संसद जेनजी आन्दोलनका क्रममा भएको घटनापछि बनेको उल्लेख गर्दै आन्दोलनका घाइतेलाई निःशुल्क उपचार तथा मृतकका परिवारलाई रोजगारीको व्यवस्था कहिले हुने हो भन्ने प्रश्न समेत उठाए।