कञ्चनपुर । भीमदत्त नगरपालिका-१८ स्थित महाकाली प्रादेशिक अस्पताल नजिकै रहेको एक चिया पसलबाट जुवातास खेलिरहेको अवस्थामा ७ जना पक्राउ परेका छन्।

आइतबार बेलुकी पदमराज पन्तले सञ्चालन गरेको उक्त पसलमा जुवा भइरहेको गोप्य सूचनाका आधारमा जिल्ला प्रहरी कार्यालय कञ्चनपुरबाट खटिएको टोलीले छापा मारेको थियो।

प्रहरीका अनुसार पसल सञ्चालक पदमराज पन्तसहित ७ जनालाई नगद ३६ हजार ४४२ रुपैयाँ र एक गड्डी ताससहित नियन्त्रणमा लिइएको छ।

घटनाबारे थप अनुसन्धान भइरहेको प्रहरीले जनाएको छ।