सुनसरी । बराहक्षेत्र नगरपालिका-६ पटवारी क्षेत्रबाट अवैध लागूऔषध गाँजासहित दुई जना पक्राउ परेका छन्। प्रहरीले करिब २ सय २५ किलोग्राम गाँजासहित स्थानीय २० वर्षीय बिशेष माझी लगायत दुई जनालाई मंगलबार राति नियन्त्रणमा लिएको हो।

इलाका प्रहरी कार्यालय महेन्द्रनगरबाट खटिएको प्रहरी टोलीले उनीहरूलाई उक्त परिमाणको गाँजासहित पक्राउ गरेको जनाएको छ। पक्राउ परेका व्यक्तिहरूले प्रयोग गरेको को.३० प ९४७५ नम्बरको मोटरसाइकल समेत प्रहरीले बरामद गरेको छ।

घटनाबारे थप अनुसन्धान भइरहेको प्रहरीले जनाएको छ।