काडमाडाैं। नेपाल राष्ट्र बैंकले बैंक तथा वित्तीय संस्थाहरूबाट ४० अर्ब रुपैयाँ निक्षेप संकलन गर्ने भएको छ।

बजारमा देखिएको अधिक तरलता व्यवस्थापन गर्न केन्द्रीय बैंकले ५६ दिन अवधिका लागि उक्त रकम संकलन गर्न लागेको हो।

राष्ट्र बैंकले अनलाइन बिडिङ प्रणालीमार्फत निक्षेप संकलन उपकरणको बोलकबोल तथा निष्काशन गर्ने जनाएको छ। यस प्रक्रियामा ‘क’, ‘ख’ र ‘ग’ वर्गका बैंक तथा वित्तीय संस्थाहरू सहभागी हुन पाउनेछन्।

यस उपकरणको ब्याजदर बोलकबोल प्रक्रियामार्फत निर्धारण गरिने केन्द्रीय बैंकले स्पष्ट पारेको छ। संकलित निक्षेपको सावाँ तथा ब्याज भुक्तानी जेठ २७ गते गरिनेछ।

बैंक तथा वित्तीय संस्थाहरूले न्यूनतम १० करोड रुपैयाँदेखि अधिकतम ५ करोड रुपैयाँले भाग गर्दा निःशेष भाग जाने गरी कुल आह्वान रकमसम्म बोलकबोल गर्न सक्ने व्यवस्था गरिएको छ।