काठमाडौं। बुधबार नेप्से परिसूचक दोहोरो अंकले वृद्धि भएको छ।

नेप्से ३३.२७ अंकले बढेर २,८६६.८७ विन्दुमा बन्द भएको हो। कारोबार रकम पनि अघिल्लो दिनको तुलनामा वृद्धि भएको छ।

सोमबार ८ अर्ब ६६ करोड रुपैयाँको कारोबार भएकोमा बुधबार १० अर्ब ५३ करोड रुपैयाँ बराबरको कारोबार भएको छ। यस दिन ३४४ कम्पनीका दुई करोड ६४ लाख ३८ हजार ५२१ कित्ता सेयर किनबेच भएका छन्।

बुधबार २२१ कम्पनीको सेयर मूल्य बढ्दा ४५ कम्पनीको मूल्य घटेको छ भने तीन कम्पनी स्थिर रहेका छन्। यस दिन सात कम्पनीमा सकारात्मक सर्किट लागेको छ।

रिज लाइफ इनर्जी, सूर्यकुण्ड हाइड्रो, होटल फरेस्ट इन, सिन्धु विकास बैंक र पाल्पा सिमेन्टको सेयर मूल्य १० प्रतिशतले वृद्धि भएको छ। सुपर खुदी हाइड्रोपावरको ९.९९ प्रतिशत र शिखर पावरको ९.९७ प्रतिशतले मूल्य बढेको छ।

त्यस्तै, सबैभन्दा धेरै घट्नेमा रिलायन्स स्पिनिङ मिल्स रहेको छ, जसको सेयर मूल्य ५.६१ प्रतिशतले घटेर प्रति कित्ता ४,५३० रुपैयाँमा झरेको छ। उपकार लघुवित्तको मूल्य पनि ४.४४ प्रतिशतले घट्दै प्रति कित्ता ३,१४४ रुपैयाँमा सीमित भएको छ।

बुधबार शिवम् सिमेन्टको सर्वाधिक कारोबार भएको छ। कम्पनीको सेयर मूल्य ७०८ रुपैयाँमा ५८ करोड ९ लाख रुपैयाँ बराबरको कारोबार भएको हो, जुन अघिल्लो दिनको तुलनामा २.९१ प्रतिशतले वृद्धि हो।

सर्वाधिक कारोबार हुने दोस्रो स्थानमा नेसनल हाइड्रोपावर रह्यो। उक्त कम्पनीको सेयर ३२४ रुपैयाँ ९० पैसामा ५७ करोड ११ लाख रुपैयाँ बराबरको कारोबार भएको छ।

आज कारोबारमा आएका १३ समूहगत परिसूचकमध्ये सबै समूहको परिसूचक बढेसँगै समग्र नेप्से परिसूचक उकालो लागेको हो। यसमध्ये होटल्स समूहको परिसूचक सर्वाधिक ३.१६ प्रतिशतले वृद्धि भएको छ।