काठमाडौं । पूर्वमन्त्री दीपक खड्काको बन्दी प्रत्यक्षीकरण रिटमाथि आज सर्वोच्च अदालतमा सुनुवाइ हुँदैछ। उक्त मुद्दाको पेसी कामु प्रधानन्यायाधीश सपना प्रधान मल्ल र न्यायाधीश श्रीकान्त पौडेलको संयुक्त इजलासमा परेको छ।

सम्पत्ति शुद्धीकरणसम्बन्धी मुद्दाको अनुसन्धानका क्रममा गत चैत १५ गते पक्राउ परेका खड्कालाई गैरकानूनी रूपमा थुनामा राखिएको दाबी गर्दै उनकी पत्नी विनिता थापाले रिहाइको मागसहित रिट दायर गरेकी हुन्।

यसअघि बुधबार न्यायाधीश तिलप्रसाद श्रेष्ठ र शान्तिसिंह थापाको इजलासले राजश्व अनुसन्धान विभाग र ललितपुर जिल्ला अदालतसँग पक्राउको कारणबारे लिखित जवाफ मागेको थियो। सोही आधारमा आजका लागि पेसी तोकिएको हो।