काठमाडाैं। नेपाली बजारमा आज सुन र चाँदीको मूल्यमा सामान्य वृद्धि देखिएको छ। सुनको भाउ प्रतितोला १०० रुपैयाँले बढ्दा चाँदी पनि ३० रुपैयाँले उकालो लागेको छ।

नेपाल सुनचाँदी व्यवसायी महासङ्घका अनुसार आज छापावाल सुनको मूल्य प्रतितोला ३ लाख २ हजार ८०० रुपैयाँ कायम भएको छ भने चाँदी प्रतितोला ५ हजार २५० रुपैयाँमा कारोबार भइरहेको छ।

यसअघि बुधबार छापावाल सुन प्रतितोला ३ लाख २ हजार ७०० रुपैयाँमा किनबेच भएको थियो भने चाँदी ५ हजार २२० रुपैयाँमा सीमित थियो।

अन्तर्राष्ट्रिय बजारतर्फ हेर्दा, आज एक औँस सुनको मूल्य ४ हजार ८२१ अमेरिकी डलर पुगेको छ भने चाँदीको मूल्य प्रतिऔँस ८० अमेरिकी डलर कायम रहेको छ।